ការចុះផ្ទៀងផ្ទាត់និយាមកាបោះបង្គោលព្រំដី និងរៀបចំផែនទីលម្អិតតាមបណ្តោយព្រែកជីកហ្វូណនតេជោ សម្រាប់កំណាត់ទី១ ប្រវែង ២១គីឡូម៉ែត្រ (ព្រែកតាកែវ-ព្រែកពោធិ៍ ) ត្រូវបានបញ្ចប់ ១០០% | ក្រុមហ៊ុន SpaceX – Starlink ស្វែងរកឱកាសវិនិយោគ​នៅកម្ពុជា | សមាគមអភិរក្សសត្វត្មាតពីការផុតពូជប្រចាំទ្វីបអាស៊ី SAVE បានវាយតម្លៃថាវត្តមានសត្វត្មាតនៅកម្ពុជាឆ្លុះបញ្ចាំងពីកិច្ចការពារនិងអភិរក្សធនធានធម្មជាតិបានយ៉ាងល្អ | ទូតអ៉ីស្រាអែលប្ដេជ្ញាចិត្ត ពង្រឹង និងពង្រីកកិច្ចសហប្រតិបត្តិការជាមួយកម្ពុជា ឱ្យកាន់តែរីកចម្រើនបន្ថែមទៀត | ឆ្មាំទន្លេនៅតំបន់ការពារសត្វផ្សោតទន្លេមេគង្គចំនួន ៣រូប ត្រូវបញ្ចប់តួនាទី ក្រោយរកឃើញថាមានជាប់ពាក់ព័ន្ធនឹងការនេសាទខុសច្បាប់ | BREAKING: ដកតំណែងប្រធានសាលាដំបូងខេត្តតាកែវព្រោះដោះលែងទណ្ឌិតជាប់ទោសពីបទឃាតកម្ម មិនទាន់បានអនុវត្តទោស ២/៣ នៃទោសសរុប |
ការចុះផ្ទៀងផ្ទាត់និយាមកាបោះបង្គោលព្រំដី និងរៀបចំផែនទីលម្អិតតាមបណ្តោយព្រែកជីកហ្វូណនតេជោ សម្រាប់កំណាត់ទី១ ប្រវែង ២១គីឡូម៉ែត្រ (ព្រែកតាកែវ-ព្រែកពោធិ៍ ) ត្រូវបានបញ្ចប់ ១០០% | ក្រុមហ៊ុន SpaceX – Starlink ស្វែងរកឱកាសវិនិយោគ​នៅកម្ពុជា | សមាគមអភិរក្សសត្វត្មាតពីការផុតពូជប្រចាំទ្វីបអាស៊ី SAVE បានវាយតម្លៃថាវត្តមានសត្វត្មាតនៅកម្ពុជាឆ្លុះបញ្ចាំងពីកិច្ចការពារនិងអភិរក្សធនធានធម្មជាតិបានយ៉ាងល្អ | ទូតអ៉ីស្រាអែលប្ដេជ្ញាចិត្ត ពង្រឹង និងពង្រីកកិច្ចសហប្រតិបត្តិការជាមួយកម្ពុជា ឱ្យកាន់តែរីកចម្រើនបន្ថែមទៀត | ឆ្មាំទន្លេនៅតំបន់ការពារសត្វផ្សោតទន្លេមេគង្គចំនួន ៣រូប ត្រូវបញ្ចប់តួនាទី ក្រោយរកឃើញថាមានជាប់ពាក់ព័ន្ធនឹងការនេសាទខុសច្បាប់ | BREAKING: ដកតំណែងប្រធានសាលាដំបូងខេត្តតាកែវព្រោះដោះលែងទណ្ឌិតជាប់ទោសពីបទឃាតកម្ម មិនទាន់បានអនុវត្តទោស ២/៣ នៃទោសសរុប |

ប្អូនស្រីលោក គីម ជុងអ៊ុនអះអាងថា កូរ៉េខាងជើងនឹងបដិសេធរាល់ទំនាក់ទំនងទាំងអស់ជាមួយជប៉ុន

  • ចុះផ្សាយថ្ងៃទី២៦ ខែមីនា ឆ្នាំ២០២៤ ម៉ោង ១៩:៣៣ នាទី ដោយ Mesa
  • 1549
  Aa |   aA

កូរ៉េខាងជើង៖ លោកស្រី គីម យ៉ូចុង (Kim Yo Jong) ដែលជាប្អូនស្រីដ៏មានឥទ្ធិពលរបស់មេដឹកនាំកូរ៉េខាងជើងលោក គីម ជុងអ៊ុន (Kim Jung Un) បានឱ្យដឹងនៅថ្ងៃទី២៦ ខែមីនានេះថា កូរ៉េខាងជើងនឹងបដិសេធនូវទំនាក់ទំនង និងការចរចាទាំងអស់ជាមួយភាគីជប៉ុន បន្ទាប់ពីលោកស្រីបានថ្លែងថា នាយករដ្ឋមន្រ្តីជប៉ុន លោក ហ្វូមីអូ គិស៊ិដា (Fumio Kishida) បានស្នើឱ្យមានកិច្ចប្រជុំកំពូលមួយជាមួយបងប្រុសរបស់លោកស្រី។

គួរបញ្ជាក់ថា ទំនាក់ទំនងនៃប្រទេសទាំងពីរកូរ៉េខាងជើង-ជប៉ុន មាននូវភាពតានតឹងជាប្រវត្តិសាស្ត្រយូរលង់មកហើយ ក៏ប៉ុន្តែមួយរយៈថ្មីៗចុងក្រោយនេះ នាយករដ្ឋមន្រ្តីជប៉ុន លោក Fumio Kishida ហាក់បង្ហាញនូវបំណងចង់ធ្វើឱ្យប្រសើរឡើងវិញនូវទំនាក់ទំនងរវាងប្រទេសទាំងពីរ ស្របពេលដែលកូរ៉េខាងជើងក៏ត្រូវបានគេមើលឃើញថា មិនមានបំណងជំទាស់នឹងចេតនារបស់ភាគីជប៉ុននោះដែរ។ ជាក់ស្ដែងកាលពីឆ្នាំមុន នាយករដ្ឋមន្រ្តីជប៉ុនថ្លែងថា លោកមានបំណងចង់ជួបជាមួយមេដឹកនាំកូរ៉េខាងជើងដោយគ្មានលក្ខខណ្ឌអ្វីទាំងអស់ ហើយលោកថាទីក្រុងតូក្យូមានឆន្ទៈក្នុងការដោះស្រាយបញ្ហាទាំងអស់ដែលជាភាពតានតឹងនៃទំនាក់ទំនងទ្វេភាគីកន្លងមក។ 

លោកស្រី គីម យ៉ូចុង ដែលកន្លងមកត្រូវបានគេដឹងថាជាមនុស្សមានឥទ្ធិពលមួយរូបរបស់កូរ៉េខាងជើងបានថ្លែងថា កិច្ចប្រជុំរវាងភាគីទាំងពីរនឹងមិនអាចកើតឡើងនោះទេ ដរាបណាជប៉ុនគ្មានការផ្លាស់ប្តូរជំហរនយោបាយរបស់ខ្លួន។ មិនត្រឹមតែប៉ុណ្ណោះលោកស្រីបញ្ជាក់ច្បាស់ៗបន្ថែមទៀតនៅថ្ងៃអង្គារនេះថា ទីក្រុងព្យុងយ៉ាងនឹងបដិសេធរាល់ទំនាក់ទំនងទាំងអស់ជាមួយជប៉ុន។ លោកស្រី​បាន​បន្ថែម​ថា​៖ "យើងគ្មានចំំណាប់អារម្មណ៍ណាមួយចំពោះកិច្ចប្រជុំ​កំពូល​កូរ៉េ​ខាងជើង​-​ជប៉ុននោះឡើយ"។ 

ដោយឡែក លោក Fumio Kishida បាននិយាយកាលពីថ្ងៃចន្ទម្សិលមិញនេះថា លោកមិនបានដឹងអំពីរបាយការណ៍របស់ទីភ្នាក់ងារសារព័ត៌មានរដ្ឋ​កូរ៉េ​ខាងជើង KCNA នោះទេ ខណៈលោកនៅតែចាត់ទុកជំនួបកំពូលរវាងមេដឹកនាំនៃប្រទេសអាស៊ីជិតខាងនេះថាជា "រឿងសំខាន់" ដដែល។ ដោយសំដៅលើការចាប់ជំរិតដែលបានកើតឡើងក្នុងទសវត្សរ៍ឆ្នាំ១៩៧០ និងទសវត្សរ៍ឆ្នាំ១៩៨០ លោក Fumio ថ្លែងក្នុងសភាជប៉ុនថា៖ "សម្រាប់ទំនាក់ទំនងជប៉ុន-កូរ៉េខាងជើង កិច្ចពិភាក្សានៃមេដឹកនាំថ្នាក់កំពូលពិតជាមានសារៈសំខាន់ក្នុងការដោះស្រាយបញ្ហាប្រឈមនានា"៕



ព័ត៌មានជាច្រើនទៀតសម្រាប់អ្នក